Bakıda keçirilən üzrə bədii gimnastika üzrə Dünya Kubokunda ən çox mükafatı ukraynalı bədii gimnast Taisiya Onofriyçuk qazanıb.

Prosport.Az xəbər verir ki, o, halqa ilə qızıl, çoxnövçülükdə, top və lentlə gümüş, gürzlərlə bürünc medal əldə edib.

Olimpiya çempionu Daria Varfolomeyev 2 qızıl medala yiyələnib. Almaniyanı təmsil edən gimnast halqa və lentlə finalda qalib gəlib.

Yay Oyunlarının bürünc mükafatçısı italiyalı Sofia Raffaelli isə çoxnövçülükdə çempion olub. Kipri təmsil edən Vera Tuqolukova topla hərəkətlərdə qalib adına layiq görülüb.

Qrup komandalarında hər üç qızıl medal müxtəlif ölkələrin payına düşüb. Bolqarıstan çoxnövçülükdə, Çindən olan olimpiya çempionları 5 lentlə hərəkətdə, Yaponiya isə 3 top və 2 halqa ilə hərəkətdə fəxri kürsünün ən yüksək pilləsinə qalxıb.