Azərbaycanlı ağırlıqqaldıran İsa Rüstəmov Moldovanın paytaxtı Kişinyovda keçirilən Avropa çempionatında 3 medal qazanıb.

Prosport.Az xəbər verir ki, 67 kq-da çıxış edən atlet birdən qaldırma hərəkətində 138 kq nəticə göstərərək bürünc medala sahib olub.

Ardınca o, təkanla qaldırmada 170 kq-ın öhdəsindən gələrək qızıl medala yiyələnib.

Toplamda 308 kq nəticəyə imza atan idmançı yekun sıralamada 2-ci olub və 2 hərəkətin cəmində Avropa çempionatının gümüş mükafatını qazanıb. Çempion və bürünc medalçı Türkiyədən olub. Bunlar müvafiq olaraq Kaan Kahriman və Fərdi Hardaldır.

Qeyd edək ki, 21 aprelədək davam edəcək Avropa çempionatında Azərbaycan cəmi 1 idmançı ilə təmsil olunur.