"Bu, sadəcə, yeni bir fəsildir, səbirli olacağam və hədəflərimə yenidən baxıb, daha güclü qayıdacağam".

Prosport.Az xəbər verir ki, bunu zədəsini müalicə edən qılıncoynatma üzrə Azərbaycan millisinin lideri Anna Başta deyib.

O, sosial media səhifəsində son yarışında yenidən zədələndiyini qeyd edib. "Kəskin ağrı, sarsıntı, sonra... sükut. Beynimdə yalnız bir fikir var: "Yenə? Niyə indi?" Bu, sadəcə ağrı deyildi - göz yaşı tökəcək qədər məyusedici hadisə idi.

İndi əməliyyat arxada qalıb, qarşıda aylar çəkəcək bərpa dövrü var. Hər şey üçün darıxacağam: səhər məşqləri, yarış öncəsi həyəcan, hətta tükənmə nöqtəsinə qədər ağır hazırlıqlar üçün. Amma bilirəm ki, bu son deyil. Mən təslim olmuram".

Başta pərəstişkarlarına da müraciət edib: "Sizin dəstəyiniz mənə indi oksigen kimidir. Sağ olun ki, varsınız".