Gənclər və idman naziri Fərid Qayıbov Avropa Su İdman Növləri Federasiyasının (European Aquatics – EA) portuqaliyalı prezidenti Antoniu Juze Silva ilə görüşüb.

Prosport.Az xəbər verir ki, görüşdə üzgüçülük idmanının inkişafı, beynəlxalq əməkdaşlıq və gələcək layihələr barədə fikir mübadiləsi aparılıb. Həmçinin EA və Azərbaycan arasında əlaqələrin daha da genişləndirilməsi, birgə layihələrin icrası və təcrübə mübadiləsi imkanları müzakirə edilib.

Görüşdə Azərbaycan Üzgüçülük Federasiyasının prezidenti Zaur Əliyev, EA-nın xorvatiyalı I vitse-prezidenti Yosip Varvodiç və digər şəxslər iştirak edib.

Qeyd edək ki, EA burada beynəlxalq yarış keçirmək istəyir.