Polşada keçirilən III Avropa Oyunlarında 1/8 finala vəsiqə qazanan Ade Reski Dviçahyo və Keyşa Fatima Zahranın pley-offda rəqibləri müəyyənləşib.

Prosport.Az xəbər verir ki, qrup mərhələsini mütləq nəticə (3 qələbə) ilə başa vuran Dviçahyo kişi badmintonçuların şəxsi yarışında 1/8 finalda Finlandiya təmsilçisi Kalle Kolyonenlə qarşılaşacaq.

Qadın badmintonçuların şəxsi yarışında ardıcıl 3 qələbə qazanaraq pley-offa qrup lideri kimi yüksələn Zahra isə 1/8 finalda isveçrəli Yenyira Ştadelmanla üz-üzə gələcək.

1/8 final mərhələsinin görüşləri bu gün keçiriləcək.