Avropada 2024-cü ilin atleti nominasiyasına namizədlərin adları açıqlanıb.

Prosport.Az xəbər verir ki, Beynəlxalq İdman Mətbuatı Assosiasiyasının Avropa bölməsi (AİPS Europe) ilə Avropa Ağırlıqqaldırma Federasiyasının birgə layihəsi əsasında keçirilən latyihədə kişi idmançılar arasında ağırlıqqaldırma üzrə milli komandamızın lideri Dadaş Dadaşbəyli də var.

İlin atletinin adına 13-21 aprel tarixlərində Moldovada keçiriləcək Avropa çempionatının açılış mərasimində aydınlıq gələcək.

Qeyd edək ki, Dadaş Dadaşbəylinin bu nominasiyada rəqibləri Yusuf Fəhmi Gənc (Türkiyə), Roberto Qutu (Almaniya), Varazdat Lalayan (Ermənistan), Oskar Reyes Martines (İtaliya), Karlos May Nasar (Bolqarıstan), Marin Robu (Moldova), Markos Ruis Velasko (İspaniya), Laşa Talaxadze (Gürcüstan) və Yevgeni Sıqantson (Belarus) var.