Polşada keçirilən III Avropa Oyunlarında Azərbaycanın 2 badmintonçusu 1/8 finala adlayıb.

Prosport.Az xəbər verir ki, millimizin İndoneziya əsilli üzvləri Ade Reski Dviçahyo və Keyşa Fatima Zahra qruplarda keçirdiyi bütün görüşlərdə qələbə qazanıblar.

Ade Reski Dviçahyo G qrupunda Luis Enrike Penalveri (İspaniya) 2:1, Dimitar Yanakiyevi (Bolqarıstan) 2:1 və Daniel Bosnyuku (Ukrayna) 2:0 məğlub edib. 

Keyşa Fatima Zahra isə D qrupunda Samanta Qolubiçkayteyə (Litva) 2:0, Vlada Cinqaya (Moldova) 2:0 və Li Yvonneyə (Çin) 2:1 qalib gəlib.

Qeyd edək ki, 1/8 final görüşləri sabah keçiriləcək. Kişi və qadın cütlüklərdən ibarət badminton komandalarımız isə ilk 2 görüşdə uduzaraq növbəti mərhələ şanslarını itirib. Badminton yarışları Avropa Oyunlarının son gününədək – iyulun 2-dək davam edəcək.