Milli Olimpiya Komitəsinin (MOK) inzibati binasında MOK-un Atletlər Komissiyasının iclası keçirilib.

Prosport.Az xəbər verir ki, iclası giriş sözü ilə açan MOK-un İdman idarəsinin müdiri Həsənağa Rzayev Atletlər Komissiyasının fəaliyyəti haqqında məlumat verib.

İclasda komissiyanın yeni tərkibi müəyyənləşib. 2025-2028-ci illər dövrü üçün Rüstəm Orucov (cüdo) komissiyanın sədri, Fəridə Əzizova (taekvondo) sədr müavini, Leyla Əliyeva (cüdo), İradə Aşumova (atıcılıq), Hacı Əliyev (güləş), Nazim Babayev (atletika), Təranə Abbasova (ağırlıqqaldırma), Fatimə Alkərəmova (üzgüçülük) və Rəsul Çunayev (güləş) komissiyanın üzvləri seçilib.

Bunlardan Hacı Əliyev, Leyla Əliyeva, İradə Aşumova və Təranə Abbasova ilk dəfə bu komissiyada yer alır.