Azərbaycanlı bədii gimnast Arzu Cəlilova peşəkar idmandan getdiyini açıqlayıb.

Prosport.Az xəbər verir ki, gənclər arasında dünya çempionatının ikiqat mükafatçısı karyerasını başa vurmasından danışıb.

O, sosial şəbəkə hesabında belə yazıb: “Bu sondur... və yeni başlanğıcdır. Belə post yazacağımı heç vaxt düşünməmişdim. Uzun illər həyatımın bir parçası ilə vidalaşmaq üçün söz tapmalı olacağım ağlımdan belə keçmirdi".

Qeyd edək ki, daha əvvəl bədii gimnastlardan Zöhrə Ağamirova və Zeynəb Hümmətova karyeralarını bitirdiyini açıqlamışdı.