Mingəçevir şəhərində keçirilən Avarçəkmə və kanoe üzrə Azərbaycan birinciliyinə yekun vurulub.

Prosport.Az xəbər verir ki, yarışların 2-ci günündə idmançılar akademik avarçəkmə, kayak və kanoe növlərində 200, 500 və 1500 metr məsafədə 10 dəst medal uğrunda mübarizə aparıb.

Qaliblər diplom və medallarla mükafatlandırılıb. İlk dəfə olaraq bu Azərbaycan birinciliyində avarçəkənlər 4 nəfərlik kayak qayığında yarışıb.

Birincilikdə fərqlənən idmançılar Heydər Əliyevin xatirəsinə həsr olunan “Prezident Kuboku-2025” beynəlxalq reqatasında iştirak edəcək komandanın heyətinə cəlb olunacaq.

Qeyd edək ki, Azərbaycan Kanoe və Avarçəkmə Federasiyası yeniyetmə və gənclər arasında avarçəkmə idman növünün populyarlığını artırmaq və kütləviliyi təmin etmək, nəticədə gələcəkdə güclü milli komanda formalaşdırmaq məqsədilə il ərzində yeniyetmə və gənclər arasında bir neçə ölkədaxili və beynəlxalq yarışlar təşkil edir.