Azərbaycan cüdoçusu Aysun Məmmədova Xorvatiyanın Poreç şəhərində keçirilən yeniyetmələr arasında Avropa Kubokunda qızıl medal qazanıb.

Prosport.Az xəbər verir ki, 52 kq çəki dərəcəsində tatamiyə çıxan idmançımız müvafiq olaraq 1/16 finalda İsveçrə, 1/8 finalda Bosniya-Herseqovina, 1/4 finalda Kanada və yarımfinalda İsveçdən olan rəqiblərini üstələyərək adını finala yazdırıb.

Həlledici görüşdə Moldova cüdoçusu Aleksandra Kironu məğlub edən Aysun Məmmədova millimizin aktivinə ilk medalı yazdırıb. 

Mədinə Hüseynova (40 kq) və Xədicə Abdullayeva (44 kq) isə bürünc medala yiyələnib.

Qeyd edək ki, Azərbaycan yarışda 5 çəki dərəcəsində 14 qız idmançı ilə təmsil olunur. Avropa Kubokunda 37 ölkədən 813 idmançı iştirak edir.