Azərbaycanın yeniyetmə cüdoçuları Türkiyənin Antalya şəhərində keçirilən Avropa Kubokuna 3 medal qazanmaqla başlayıb.

Prosport.Az xəbər verir ki, yarışın ilk günündə millimiz hesabına 1 gümüş və 2 bürünc medal yazdırıb.

Qızların mübarizəsində 48 kq çəkidə Könül Eyvazlı gümüş, Leyla Ələkbərova bürünc medalın sahibi olub. Onlara medalları olimpiya, ikiqat dünya mükafatçısı və Avropa çempionu, Avropa Cüdo Birliyinin idman komissarı Rüstəm Orucov təqdim edib.

Oğlanlar arasında 60 kq çəki dərəcəsində Röyal Qayıbov bürünc medal qazanıb.

Qeyd edək ki, bu gün başa çatacaq turnirdə ümumilikdə 24 ölkədən 448 idmançı mübarizə aparır.