Azərbaycan atleti Rüstəm Məmmədov Niderlandın Apeldorn şəhərində qapalı məkanda keçirilən Avropa çempionatında üçtəkanla tullanma növü üzrə yarışda finala adlayıb.

Prosport.Az xəbər verir ki, o, 16.28 m nəticə ilə sonuncu – 8-ci kimi həlledici mərhələyə yüksəlib.

Qeyd edək ki, 1 idmançı ilə qatıldığımız Avropa çempionatı martın 9-dək davam edəcək. Rüstəm Məmmədov Bakı vaxtı ilə saat 22:40-dan etibarən final mərhələsində mübarizəyə qoşulacaq.

Xatırladaq ki, 2019-cu ildə Şotlandiyanın Qlazqo şəhərində qapalı məkanda keçirilmiş Avropa çempionatında Azərbaycan Atletika Federasiyasının İcraiyyə Komitəsinin də üzvü olan Nazim Babayev üçtəkanla tullanmada çempion olmağı bacarıb.