Vətən müharibəsinin iştirakçısı Polad Rzayev paralimpiyanın dağ xizəyi idman növündə mübarizə aparacaq.

Prosport.Az xəbər verir ki, dağ xizəyi idman növünə cəlb olunan P.Rzayev gündəlik məşqlərdə iştirak edir, öz bacarıqlarını inkişaf etdirir.

Paralimpiyaçı yaxınlarda həvəskar xizək yarışı üzrə Heydər Əliyev Kubokunda da gücünü sınayıb.

Qeyd edək ki, Xüsusi Təyinatlı Qüvvələrin (XTQ) ehtiyatda olan zabiti Polad Rzayev “Azərbaycan bayrağı”, “Şücaətə görə” ordenlərinə, “Xocavəndin azad olunmasına görə”, “Qubadlının azad olunmasına görə”, “Cəbrayılın azad olunmasına görə” medallarına layiq görülüb.