NTD komandasının basketbolçusu Tayri Boykin müsahibə verib.

Prosport.Az həmin müsahibəni təqdim edir:

– Son turda NTD "Abşeron" üzərində qələbə qazandı. Bu oyunu necə dəyərləndirirsiniz?  
– Biz "Abşeron" ilə yaxşı oyun keçirdik. Komanda oyunu nümayiş etdirdik və matçın gedişatını nəzarət altında saxladıq. Rəqib oyunda üstünlük qazanmağa başladıqda, biz buna yaxşı cavab verdik. Hesab edirəm ki, doğru istiqamətdə daha bir addım atdıq.

– Bu oyunda siz 8 dəqiq 3 xallıq atış etdiniz. Ümumiyyətlə, sizdə "3-lük"lər çox yaxşı alınır. Həmişə belə olub?
– Mən ömrüm boyu atış üzərində çalışmışam. Atam məni uşaqlıqdan məşq etdirirdi. O mənə zəhmətkeşlik, oyunun əsaslarını və intizamı aşılayıb, xüsusilə də atışla bağlı. Bu səviyyədə basketbol oynayarkən, Tanrının sizə verdiyi istedadı maksimum istifadə etmək, ağır işləmək və özünüzün ən yaxşı versiyası olmaq lazımdır. Kiminsə daha çox istedadı var, kiminsə daha az. Amma hər kəs öz üzərində çalışmalıdır.

– Növbəti rəqib çempionatın liderlərindən biri olan "Naxçıvan"dır. Hazırlıq necə gedir?
– Biz anlayırıq ki, "Naxçıvan" liqanın ən güclü klublarından biridir. Həm də başa düşürük ki, sahib olduğumuz istedadla hər kəslə rəqabət apara bilərik. Hər zaman olduğu kimi, biz özümüzə fokuslanmışıq. Yeganə gözləntimiz meydana çıxıb yüksək səviyyədə rəqabət aparmaqdır. Məşqçilərimizin oyun taktikasına güvənirik və meydanda bir-birimizə etibar edirik.

– Komandanın pley-offa çıxmaq şanslarını necə qiymətləndirirsiniz?
– Hesab edirəm ki, əla imkanımız var. İlin əvvəlində komanda mühüm dərəcədə gücləndi. Biz bir-birimizlə oynamağı öyrəndikcə matçları qazanırıq. Çox təhlükəli komandaya çevrilirik. Ən yaxşı basketbolumuz hələ qabaqdadır və bunu pley-offda nümayiş etdirməkdən yaxşı nə ola bilər?