Bu il keçiriləcək "Formula 1" üzrə Azərbaycan Qran-prisinə hazırlıq çərçivəsində paddokun yenidən qurulmasına başlanıb.

Bakı Şəhər Halqası (BŞH) Əməliyyat Şirkətindən Prosport.Az-a verilən məlumata görə, paddok həmişəki kimi Neftçilər prospekti, Hökümət evinin qarşısında quraşdırılır.

BŞH piyadaların və sürücülərin ehtiyatlı olmalarını xahiş edir, şəhər sakinlərinə göstərdikləri anlayışa görə təşəkkürünü bildirir.

Qeyd edək ki, Azərbaycan Qran-prisi sentyabrın 19-21-də baş tutacaq.