Azərbaycanın ictimai-siyasi və idman xadimi, professor, Əməkdar elm xadimi, Azərbaycan Milli Olimpiya Akademiyasının prezidenti, Azərbaycan Milli Olimpiya Komitəsinin (MOK) fəxri baş katibi Ağacan Abiyev Avropa Olimpiya Komitəsinin “Olimpiya çələngi” mükafatı ilə təltif olunub.

Prosport.Az xəbər verir ki, “Şöhrət" və "Şərəf" ordenli mütəxəssis bu mükafata Almaniyanın Frankfurt şəhərində keçirilən Avropa Olimpiya Komitələrinin 54-cü Baş Assambleyasında layiq görülüb.

Baş Assambleyada mükafat MOK baş katibi Azər Əliyevə təqdim edilib.

Qeyd edək ki, həmin tədbirdə Azərbaycanı MOK vitse-prezidenti Çingiz Hüseynzadə, baş katib Azər Əliyev və MOK-un xarici əlaqələr idarəsinin müdiri Anar Bağırov təmsil edib. Burada Avropa Olimpiya Komitəsinin prezidenti, vitse-prezidenti, baş katibi, xəzinədarı və İcraiyyə Komitəsinin 13 üzvü seçilib. İcraiyyə Komitəsinə üzvlüyü verilmiş şəxslər arasında sabiq gənclər və idman nazirinin müavini Mariana Vasileva da olsa da, daha sonra Azərbaycan tərəfi onun namizədliyini geri götürüb.