Azərbaycan cüdoçuları fevralda Dünya turu turnirlərində ümumilikdə 9 medal qazanıblar.

Prosport.Az xəbər verir ki, ilin ilk yarış ayında Paris, Bakı və Daşkənddə olmaqla "Böyük Dəbilqə"nin üç mərhələsi keçirilib.

Fransanın paytaxtında Ruslan Paşayev (66 kq) çempion olub, Rəşid Məmmədəliyev (73 kq) və Ömər Rəcəbli (81 kq) isə bürünc medal qazanıblar.

Milli Gimnastika Arenasında keçirilən Bakı turnirində Zelim Tçkayev (81 kq) qızıl, Rəşid Məmmədəliyev (73 kq) gümüş, Əhməd Yusifov (60 kq), Elşən Əsədov (66 kq) və Vüsal Qələndərzadə (73 kq) isə bürünc əldə ediblər.

Nəhayət, Daşkənddə davam edən yarışda Turan Bayramov (60 kq) gümüş medal qazanıb.