Azərbaycan Ağır Atletika Federasiyasının prezidenti İnam Kərimov Ali Məhkəmənin sədri təyin edilib.

Prosport.az xəbər verir ki, bu barədə məsələ Milli Məclisdə müzakirəyə çıxarılıb.

Parlament sədrinin I müavini, Hüquq siyasəti və dövlət quruculuğu komitəsinin sədri Əli Hüseynli onun yüksək hüquqi təhsilə Azərbaycanın və Avropanın aparıcı universitetlərində yiyələnməsi barədə məlumat verib, onun hüquqşünas alim kimi elmi fəaliyyətindən və dövlətçiliyə xidmətlərindən danışıb. İ.Kərimovun Ali Məhkəmənin hakimi olması təsdiqlənib.

Qeyd edək ki, İnam Kərimov 2018-2023-cü illərdə Kənd təsərrüfatı naziri kimi işləyib. O, ötən ilin fevralında Ağır Atletika Federasiyasının prezidenti seçilib.