Azərbaycan cüdoçuları Bakıda keçirilən "Böyük Dəbilqə"ni 5 medalla başa vurub.

Prosport.Az xəbər verir ki, yarışın sonuncu günündə təmsilçilərimizdən heç biri mükafat qazana bilməyib.

Əjdər Bağırov (100 kq) 3-cü yer uğrunda görüşdə Niyaz Bilalova (IJF), Kənan Nəsibov (+100 kq) yaponiyalı Kanta Nakanoya uduzub.

Qeyd edək ki, daha əvvəl Zelim Tçkayev (81 kq) qızıl, Rəşid Məmmədəliyev (73 kq) gümüş, Vüsal Qələndərzadə (73 kq), Əhməd Yusifov (60 kq) və Elşən Əsədov (66 kq) bürünc medala sahib çıxıb. Komandamız bu nəticə ilə Yaponiya və Almaniyanın ardından 3-cü olub.

16:40

Bakıda keçirilən "Böyük Dəbilqə" turnirində 2 cüdoçumuz bürünc medal uğrunda tatamiyə çıxacaq.

Prosport.Az xəbər verir ki, turnirin 3-cü – sonuncu yarış günündə Azərbaycan cüdoçuları daha 2 medal uğrunda mübarizə aparacaq.

Kişilər arasında 100 kq çəki dərəcəsində Əjdər Bağırov bürünc medal uğrunda Niyaz Bilalovla (Beynəlxalq Cüdo Federasiyası) qarşılaşacaq. +100 kq çəkidə isə Kənan Nəsibov 3-cü yer uğrunda yaponiyalı Kanta Nakano ilə döyüşəcək.

Qeyd edək ki, final mərhələsi saat 17:00-da başlayacaq.

Xatırladaq ki, ilk 2 gündə Azərbaycanda 1 qızıl, 1 gümüş və 3 bürünc medal qazanıb.