Bakıda badminton üzrə qarışıq komandalar arasında Avropa çempionatı davam edir.
Prosport.Az xəbər verir ki, Azərbaycan milli komandası II turda İspaniya ilə qarşılaşıb.
5 kateqoriya üzrə (kişilərin şəxsi və qoşa, qadınların şəxsi və qoşa və qarışıq qoşa) keçirilən oyunda meydan sahibləri rəqibinə 2:3 hesabı ilə məğlub olub.
Azərbaycan millisi növbəti turda güclü Danimarka ilə münasibətlərə aydınlıq gətirəcək. Sabah keçiriləcək qarşılaşma saat 10:00-da başlayacaq.
Morteza Validarvinin baş məşqçisi olduğu kollektiv ilk turda İngiltərə millisinə eyni hesabla uduzub.
Qeyd edək ki, Bakı İdman Sarayında təşkil olunan yarış fevralın 16-da bitəcək.