Azərbaycan Voleybol Federasiyasının yeni prezidenti məlum olub.

Prosport.Az-ın etibarlı mənbədən əldə etdiyi məlumata görə, hazırkı federasiya prezidenti Cavid Qurbanovu Dövlət Gömrük Komitəsinin (DGK) yeni sədri, gömrük xidməti general-leytenantı Şahin Bağırov əvəzləyəcək.

Yaxın 10 gün ərzində Gənclər və İdman Nazirliyinin inzibati binasında seçki keçiriləcək və orada 58 yaşlı DGK sədrinin federasiya prezidenti seçildiyi elan ediləcək. Bundan sonra federasiyada islahatlar dalğası başlayacaq.

Onun seçkisindən sonra Voleybol Federasiyasının vitse-prezidenti, Cavid Qurbanovun kadrı hesab olunan Cəlil Cəfərov vəzifəsindən azad ediləcək. Həmçinin, eyni təhlükənin federasiyanın baş katibi Fərid Xəlilovdan da yan keçməyəcəyi gözlənilir.

Əməkdar məşqçi, federasiyanın I vitse-prezidenti Faiq Qarayev isə voleybol mütəxəssisi kimi işini davam etdirəcək.

Səbuhi Musa