Bakıdakı “Böyük Dəbilqə” turnirində çıxış edəcək Azərbaycan cüdoçuları bəlli olub.

Prosport.Az xəbər verir ki, ölkəmiz yarışda 12 çəki dərəcəsində 33 idmançı (24 kişi və 9 qadın) ilə təmsil olunacaq.

Kişilərin mübarizəsində Əhməd Yusifov, Hüseyn Allahyarov, Turan Bayramov, Balabəy Ağayev (hamısı 60 kq), Yaşar Nəcəfov, Ruslan Paşayev, Rəşad Yelkiyev, Elşən Əsədov (hamısı 66 kq), Rəşid Məmmədəliyev, İbrahim Əliyev, Vüsal Qələndərzadə, Qədir Hüseynov (hamısı 73 kq), Zelim Tçkayev, Ömər Rəcəbli, Məhərrəm İmamverdiyev, Süleyman Şükürov (hamısı 81 kq), Tuncay Şamil, Əli Qazıməmmədov (hər ikisi 90 kq), Əjdər Bağırov, Davud Namazlı (hər ikisi 100 kq), Uşanqi Kokauri, Camal Qamzatxanov, Kənan Nəsibov və Ramazan Əhmədov (hamısı +100 kq) qüvvəsini sınayacaq.

Qadınlar arasında isə Leyla Əliyeva, Könül Əliyeva, Şəfəq Həmidova (hamısı 48 kq), Fidan Qasımova, Fidan Əlizadə (hər ikisi 57 kq), Nərgiz Hacıyeva (63 kq), Südabə Ağayeva, Günel Həsənli (70 kq) və Nigar Süleymanova (+78 kq) medal qazanmağa çalışacaq.

Qeyd edək ki, fevralın 14-16-da Milli Gimnastika Arenasında keçiriləcək “Böyük Dəbilqə” turnirində 38 ölkədən 270 cüdoçu medallar uğrunda mübarizə aparacaq. Yarışda Azərbaycan Cüdo Federasiyasının “A” kateqoriyalı beynəlxalq dərəcəli hakimi Nazim Umbayev ədalət təmsilçiləri arasında yer alacaq.