Azərbaycanda yeni reqbi klubu yaradılıb.

Prosport.Az xəbər verir ki, Avropa-Azərbaycan Məktəbinin (European Azerbaijan School) nəzdində "EAS Simurq" peşəkar reqbi klubu təsis olunub.

Bu komanda təkcə Məktəb Liqasında deyil, həm də Azərbaycan birinciliklərində və Azərbaycan kubokunda iştirak edəcək. "EAS Simurq" ölkəmizdə fəaliyyət göstərən 4-cü reqbi klubu olub. Bu komanda "Qarabağ", "Şamaxı OM" və "TİSA Titans"a qoşulub.

Yaxın müddətdə Bakı və bölgələrdə yeni klubların yaradılması planlaşdırılır. 2025/26 mövsümündən etibarən Azərbaycan birinciliyi və kuboku keçiriləcək.

Qeyd edək ki, Azərbaycan Reqbi Federasiyasının hazırlanmaqda olan inkişaf strategiyasına uyğun olaraq keçirilməsi nəzərdə tutulan Məktəb Liqasında 7 komanda mübarizə aparacaq.

Prosport.Az-ın məlumatına görə, Avropa-Azərbaycan Məktəbinin rəhbəri fövqəladə hallar naziri Kəmaləddin Heydərovun oğlu, "Qəbələ" İdman Klubunun sabiq prezidenti Tale Heydərov sayılır. Azərbaycan Reqbi Federasiyasının vitse-prezidentlərindən biri isə "Qəbələ" klubunun idman bölmələri üzrə koordinatoru, Şamaxı Olimpiya Mərkəzinin direktoru Səbuhi Qarayevdir.