Azərbaycan Voleybol Federasiyasında prezident dəyişikliyi olacaq.

Prosport.Az-ın məlumatına görə, federasiya prezidenti, Rəqəmsal inkişaf və nəqliyyat nazirinin müavini Cavid Qurbanov tezliklə vəzifəsindən azad ediləcək.

Bu heç də təsadüfi deyil. Onun rəhbərliyi altında voleybol gözlənilən yeni inkişaf mərhələsinə qədəm qoya bilməyib. Bu səbəbdən Cavid Qurbanov aprelin 1-də böyük nəticə tələb olunmayan Atletika Federasiyasına prezident təyin olunub. 64 yaşlı "Azərbaycan Dəmir Yolları" QSC-nin sabiq sədri və keçmiş millət vəkili bu postda Milli Olimpiya Komitəsinin vitse-prezidenti Çingiz Hüseynzadəni əvəzləyib.

2 yerdə onun federasiya prezidenti olması isə hüquqi cəhətdən düzgün hesab edilmir. Əvvəllər Fövqəladə hallar naziri Kəmaləddin Heydərov Taekvondo və Boks Federasiyalarında prezident olsa da, 2-ci vəzifəsindən imtina etməli, yerini Əmək və əhalinin sosial müdafiəsi naziri Sahil Kərimova verməli olmuşdu. Həmçinin, İqtisadiyyat naziri Mikayıl Cabbarov 2021-ci ilin dekabrınadək Qılıncoynatma və Badminton Federasiyalarının prezidenti olsa da, hər ikisindən imtina edərək Güləş Federasiyasının prezidenti seçilmişdi.

İndi növbə Cavid Qurbanovundur...

Səbuhi Musa