"Bakı Şəhər Halqası"nın mətbuat katibi rəsmi olaraq dəyişib. 

Prosport.Az xəbər verir ki, bu vəzifə jurnalist Arzu Hüseynovaya həvalə edilib.

Arzu Hüseynova 2022-ci ildən “Bakı Şəhər Halqası”nda media əməliyyatları meneceri vəzifəsində çalışıb. Ötən il faktiki olaraq bu vəzifəni icra edib. Bu ildən isə rəsmi mətbuat katibi kimi işinin başında olacaq.

Onun bu vəzifədə sələfi Turab Teymurov isə 9 illik "Bakı Şəhər Halqası"ndakı fəaliyyətindən ayrılıb. 2022-ci ilin fevralından "Bakı Şəhər Halqası"nın mətbuat katibi işləyən Teymurov artıq AFFA İcraiyyə Komitəsinin üzvü Ülvi Mansurovun icraçı direktoru olduğu Azərbaycan İnvestisiya Şirkətində çalışacaq. O, Ü.Mansurovun müşaviri olacaq.

Həmçinin, Turab Teymurov Azərbaycanın builki Avroviziya nümayəndə heyətinin media üzrə rəhbəri təyin edilib.

Qeyd edək ki, bu il "Formula 1" yarışları Bakıda 19-21 sentyabr tarixlərində keçiriləcək. Bu yarış turnirin 17-ci mərhələsi olacaq.