Azərbaycan cüdoçuları Fransanın paytaxtı Parisdə keçirilən "Böyük Dəbilqə" turnirini 3 medalla başa vurub.

Prosport.Az xəbər verir ki, 2-ci yarış günündə 81 kq çəkidə Ömər Rəcəbli bürünc medal qazanıb. 3-cü yer uğrunda rəqibi yaponiyalı Yoşito Hoco zədə səbəbindən görüşə çıxmadığı üçün qələbə Ömərə verilib.

100 kq çəkidə Əjdər Bağırov yarışı 5-ci yerdə tamamlayıb.

Xatırladaq ki, 1 fevralda cüdoçularımız 1 qızıl və 1 bürünc medal qazanmışdı. İlk yarış günündə 66 kq çəkidə Ruslan Paşayev qızıl, 73 kq çəkidə Rəşid Məmmədəliyev bürünc medal əldə etmişdi.

Azərbaycan cüdoçuları bu nəticə ilə medal əyarına görə ümumi hesabda 5-ci, kişilər arasında isə 4-cü yeri tutub.