Fransanın paytaxtı Parisdə keçirilən "Böyük Dəbilqə" turnirinin ilk günündə Azərbaycan cüdoçuları 1 qızıl və 1 bürünc medal qazanıb.

Prosport.Az xəbər verir ki, kişilər arasında 66 kq çəki dərəcəsində Ruslan Paşayev finalda Fransa təmsilçisi Daykii Bubanı məğlub edərək qızıl medal qazanıb. Eyni çəkidə çıxış edən Rəşad Yelkiyev 5-ci yerdə qərarlaşıb.

73 kq çəki dərəcəsində isə Rəşid Məmmədəliyev 3-cü yer uğrunda gürcü əsilli Portuqaliyanı təmsil edən Otari Kvantidzeyə qalib gələrək bürünc medal əldə edib.

Xatırladaq ki, ötən il Parisdə keçirilmiş Olimpiadada da cüdoçularımız – Hidayət Heydərov və Zelim Kotsoyev qızıl medal qazanmışdı.