Azərbaycan cüdoçuları Avropa çempionatının 2-ci günündə 3 medal əldə edib.

Prosport.Az xəbər verir ki, Portuqaliyanın Odivelas şəhərində keçirilən cüdo üzrə yeniyetmələr arasında Avropa çempionatında Əbil Yusubov (66 kq) Avropa çempionu olub. Eyni çəki dərəcəsində yarışan Mehdi Cəfərov bürünc medal qazanıb.

Xədicə Qədəşova (52 kq) da Avropa çemponatının bürünc medalına yiyələnib.

Bununla da medallarımızın sayı 8-ə çatıb. Bunlardan 5-i qızıl və 3-ü bürünc medaldır. Qeyd edək Avropa çempionatının ilk günündə Azərbaycan cüdoçuları 4 qızıl və 1 bürünc medal əldə etmişdi.