19 yaşadək futzalçılardan ibarət Azərbaycan millisi Avropa çempionatının əsas mərhələsinə vəsiqə qazanıb.

Prosport.Az xəbər verir ki, İlqar Aslanovun rəhbərlik etdiyi kollektiv San-Marinoda keçirilən ilkin mərhələnin B qrupunu ilk pillədə başa vurub.

Bu gün meydan sahibləri ilə heç-heçə (2:2) edən U-19 xallarının sayını 4-ə çatdırıb.

Xatırladaq ki, yığmamız daha əvvəl Kosovonu 4:1 hesabı ilə üstələyib.

Qeyd edək ki, əsas mərhələnin görüşləri 25-30 mart aralığında Xorvatiyada keçiriləcək. 7-ci qrupda yer alacaq futzalçılarımız meydan sahibi Xorvatiyadan başqa, Bosniya və Herseqovina və Türkiyədən olan həmyaşıdları ilə qarşılaşacaq. Qrup qalibi bu ilin sentyabrında Moldovanın paytaxtı Kişinyovda baş tutacaq final mərhələsinə vəsiqə qazanacaq.