Azərbaycan təmsilçiləri Belçika açıq cüdo turnirinin ilk günündə 4 medal qazanıb.

Prosport.Az xəbər verir ki, idmançılar Vize şəhərindəki beynəlxalq yarışda 1 qızıl, 2 gümüş və 1 bürünc mükafat əldə edib.

Murad Muradlı (60 kq) bütün rəqiblərinə qalib gələrək fəxri kürsünün ən yüksək pilləsinə qalxıb. Qadir Hüseynov gümüş, İbrahim Əliyev (hər ikisi 73 kq) isə bürünc medala sahib çıxıb. İmran Yusifov (+100 kq) isə gümüş mükafatla kifayətlənməli olub.

Qeyd edək ki, turnirə bu gün yekun vurulacaq. Azərbaycan yarışda qadınlar və kişilər arasında 12 çəki dərəsində 27 cüdoçu ilə təmsil olunur.