Azərbaycan gimnastları Polşanın Krakuv şəhərində keçirilən batut gimnastikası və tamblinq üzə X Vavel beynəlxalq turnirində 7 medal qazanıblar.

Gimnastika Federasiyasından Prosport.az-a verilən məlumata görə, milli komanda yarışı 4 qızıl, 2 gümüş və 1 bürünc mükafatla başa vurub.

Yığmanın heyətində Ammar Baxşəliyev (13-14 yaş, batut gimnastikası), Nicat Mirzəyev (15-16 yaş, batut gimnastikası), Aleksey Karataşov (15-16 yaş, tamblinq), Bilal Qurbanov (böyüklər, tamblinq) 1-ci, Fərhad Mustafayev (11-12 yaş, batut gimnastikası), Tofiq Əliyev (böyüklər, tamblinq) 2-ci, Adil Hacızadə (böyüklər, tamblinq) isə 3-cü yeri tutub.

Qeyd edək ki, martın 30-da start götürən turnir aprelin 4-də yekunlaşacaq.