Bu gün Azərbaycan Atletika Federasiyasında (AAF) yeni təyinatlar reallaşıb.

Prosport.Az xəbər verir ki, federasiya prezidenti Cavid Qurbanov, baş katib Məhərrəm Sultanzadə, İcraiyyə Komitəsinin üzvü Şəlalə Yaqubova və Gənclər və İdman Nazirliyinin nümayəndəsi Sevda Mirzəyevanın görüşü zamanı Oktay Mirzəyev Azərbaycan millisinin baş məşqçisi, Mixal Poqani isə tullanmalar üzrə məşqçi-məsləhətçi təyin olunub.

Oktay Mirzəyev baş məşqçi vəzifəsini müvəqqəti icra edəcək. O, əvvəlki baş məşqçi Hakim İbrahimovu əvəzləyib. Tullanmalar üzrə böyük məşqçi isə əvvəl Ziyad Xəlfəyev idi.

Qeyd edək ki, 63 yaşlı Mixal Poqani Slovakiyadandır. O, Çexoslovakiya millisini hündürlüyə tullanma yarışlarında təmsil edib. Poqani ilə 3 ayı sınaq müddəti olmaqla, 1 illik müqavilə bağlanılıb.