Azərbaycanın 3 atıcısı – Nigar Nəsirova, Ruslan Lunyov və Vladislav Kalmıkov Sloveniyanın Ruşe şəhərində keçirilən güllə atıcılığı üzrə Qran-prinin finalında lazımi nəticəni göstərə bilməyib.

Prosport.Az-ın xəbərinə görə, hər 3 idmançımız ilin ilk beynəlxalq turnirində uğurlu nəticə ilə yadda qalmayıb.

10 metr məsafəyə pnevmatik tapançadan atışda Nigar Nəsirova finalda 193.9 xalla 4-cü olub.

Kişilər arasında keçirilən yarışda isə Vladislav Kalmıkov 176.6 xalla 5-ci, Ruslan Lunyov isə 157.5 xalla 7-ci yeri tutub.

Qeyd edək ki, Qran-pri bu gün qarışıq komanda yarışı ilə başa çatacaq.