Sloveniyanın Ruşe şəhərində keçiriləcək güllə atıcılığı üzrə Qran-pri yarışlarında Azərbaycanı təmsil edəcək idmançılar müəyyənləşib.

Prosport.Az xəbər verir ki, ölkəmiz yarışda 6 idmançı ilə təmsil olunacaq.

Turnirdə Ruslan Lunyov, Ramiz Xəlilov, Nigar Nəsirova, Üzeyir Tapdıqlı, Xanna Əliyeva və Vladislav Kalmıkov iştirak edəcək. Yarış 10 metr məsafədən pnevmatik tapança və tüfəngdən atəş kateqoriyaları üzrə keçiriləcək.

Qeyd edək ki, Qran-pri yanvarın 7-12-si aralığında baş tutacaq.