Gənclər və idman nazirinin müavini Mariana Vasileva Avropa Olimpiya Komitələrinin (EOC) İcraiyyə Komitəsinin üzvlüyünə namizəddir.

Prosport.Az xəbər verir ki, Almaniyanın Frankfurt şəhərində 54-cü EOC Baş Assambleyasında qurumun prezident, vitse-prezident, baş katib, xəzinədar və 12 İcraiyyə Komitəsinə üzvlüyə namizədlər təsdiq olunub.

Yunan Spiros Kapralos prezident, litvalı Dayna Qudzineviçyüte və avstriyalı xəzinədar Peta Menel hazırkı posta yeganə namizəddir. EOC baş katibi Raffaele Panyotsi 19 illik fəaliyyətindən sonra istefa verib. İtaliya Milli Olimpiya Komitəsinin baş katibi Karlo Mornati həmyerlisinin istefasından sonra EOK baş katibi olmaq üçün namizədliyini irəli sürüb və bu postda yeganə namizəddir.

EOC İcrayyə Komitəsinin üzvlüyünə isə 19 nəfər namizəddir. Bunlardan 9-u hazırda da üzvdür. 8-i qadın, 11-i kişi olan həmin namizəd şəxslər bunlardır:

Hasan Arat (Türkiyə)
Juze Manuel Arauju (Portuqaliya)
Franyo Bobinats (Sloveniya)
Viktoria Kabesas (İspaniya)
Mihay Kovalyu (Rumıniya)
Daniel Dimevski (Şimali Makedoniya)
Jolt Dyulay (Macarıstan)
Mamuka Xabareli (Gürcüstan)
Liney Rut Haldorsdottir (İslandiya)
Danka Hrbekova-Bartekova (Slovakiya)
Zlatko Mateşa (Xorvatiya)
Anamari Felps (Böyük Britaniya)
Jan-Mişel Sev (Belçika)
Emma Terho (Finlandiya)
Aneke van Zanen-Niberx (Niderland)
Mariana Vasileva (Azərbaycan)
Kristina Vasilianov (Moldova)
Corce Vişatski (Serbiya)
Tomas Vaykat (Almaniya)

Qeyd edək ki, bütün namizədlərin adının göndərilməsi üçün müraciət 30 dekabr gecə saat 12-də başa çatıb. 54-cü EOC Baş Assambleyası 28 fevral – 1 mart tarixində keçiriləcək.