Xəbər verdiyimiz kimi, yanvarın 7-də Milli Olimpiya Komitəsinin Hesabat-Seçki Baş Məclisi baş tutacaq.

Prosport.Az-ın xəbərinə görə, bu seçkidə rəhbər postlarında dəyişikliklərlə bərabər, Baş Məclisin 113 nəfərlik üzv siyahısında da bəzi dəyişikliklər olacaq.

Bunlar hansılardır?

Qeyri-olimpiya idman növləri federasiyaları
Cəsarət Əhmədov (daha Qol Güləşi Federasiyası olmadığına görə)
Ələddin Əliyev (daha Pauerliftinq Federasiyası olmadığına görə)
Vaqif Mustafayev (Dama Federasiyası status ala bilmədiyinə görə)
Alla Vlasova (Çerlidinq Federasiyası status ala bilmədiyinə görə)

İdman təşkilatları
Nadir Əliyev (AHİTA-nın sabiq rəhbəri həbs olunduğuna görə)

Mətbuat və İnformasiya təşkilatları
Günay Nəzərova (artıq MOK-un mətbuat katibi olmadığına görə)
Rövşən Binnətli (artıq "İdman TV"nin rəhbəri olmadığına görə)

Dövlət təşkilatları
Namiq Novruzov (artıq Gənclər və İdman Nazirliyində işləmədiyinə görə)

Qeyd edək ki, Rövşən Binnətlini "İdman TV"nin indiki rəhbəri Zaur Zeynal, Günay Nəzərovanı (Malikqızı) isə Murad Fərzəliyev əvəzləyəcək. Sonuncu bunadək "Olimpiya dünyası" qəzetinin baş redaktoru kimi Baş Məclisdə təmsil olunurdu.