Olimpiya çempionu Hidayət Heydərov (73 kq) topladığı reytinq xallarının sayına görə dünya 3-cüsüdür.

Prosport.Az xəbər verir ki, Beynəlxalq Cüdo Federasiyası (IJF) həm kişilər, həm də qadınlar arasında dünya sıralamasında liderlərin topladığı xalları əks etdirən siyahı hazırlayıb.

Heydərov 8004 xalla birləşdirilmiş cədvəldə 3-cü yerdədir. Bu, kişilər arasında ən yüksək göstəricidir və o, yalnız qadın cüdoçular – kanadalı Krista Dequci (10140) və xorvat Barbara Matiçdən (8029) geri qalır.

Digər olimpiya çempionumuz Zelim Kotsoyev (100 kq) topladığı xallara görə 7-cidir – 6812. O, beşqat olimpiya çempionu fransalı Tedi Rineri (6800) qabaqlayır.