Qazaxıstanın "Astana" futzal klubu Aktau şəhəri yaxınlığında qəzaya uğrayan təyyarəmizə görə ölkəmizə başsağlığı verib.

Prosport.Az-ın xəbərinə görə, qazax dilində olan məlumatda deyilir:

“Astana Futzal Klubu” adından Azərbaycan Hava Yollarına məxsus təyyarə qəzasında həlak olanların yaxınlarına və ailələrinə dərin hüznlə başsağlığı veririk.

Bu faciəli hadisə bizim hamımızın ürəyini sıxdı. Yaralıların tezliklə sağalmasını arzulayırıq və belə çətin anlarda dəstəyin və birliyin nə qədər vacib olduğunu xatırladırıq. Fikirlərimiz və arzularımız sizinlədir.

Kədərə şərik olaraq, hamınızı sakit və birliyə çağırırıq".

Qeyd edək ki, "Astana" təyyarə qəzası olan gün hava limanında Aktau şəhərindən paytaxt Astanaya yola düşürmüş. Futzal millimizin kapitanı və qapıçısı Rövşən Hüseynlinin də çıxış etdiyi komanda Qazaxıstan Kubokunun oyunları üçün Aktau şəhərində imiş. "Astana" Aktauda 3 qrup görüşü keçirib, 2-də qalib gəlib və 6 xalla 1/4 finala vəsiqə qazanıb. Paytaxt təmsilçisi bu mərhələdə "Semey" komandasına rəqib olub.