Taekvondo üzrə yeniyetmə və gənclər arasında ölkə birincilikləri və böyüklər arasında Azərbaycan çempionatının sabah keçirilməli görüşləri təxirə salınıb.

Prosport.Az-ın xəbərinə görə, həmin görüşlər 1 gün sonra – dekabrın 27-də baş tutacaq.

Hövsan qəsəbəsindəki Fövqəladə Hallar Nazirliyinin İdman-Sağlamlıq Mərkəzində keçirilən yarış isə 29 dekabrda başa çatacaqdısa, 30 dekabrda sonlandırılacaq.

Qeyd edək ki, bu gün Bakı-Qroznı reysini yerinə yetirən “Embraer 190” tipli sərnişin təyyarəsinin qəzaya uğraması nəticəsində çoxsaylı insan tələfatı ilə əlaqədar sabah Azərbaycanda matəm elan edilib.