Bakıda keçirilən “Böyük dəbilqə” iştirakçıların və ölkələrin sayına görə cüdoda bu ilin ən populyar analoji turnirlərinin ilk beşliyinə daxil olub.

Prosport.Az xəbər verir ki, fevralın 16-18-də Milli Gimnastika Arenasında keçirilən reytinq yarışında 62 ölkədən 404 idmançı iştirak edib.

Onlar təkcə medallar üçün deyil, həm də olimpiya hesabına xallar uğrunda mübarizə aparıblar.

Bu il "Böyük Dəbilqə" yarışlarında ölkə və iştirakçıların sayına görə liderliyi Paris turniri tutur (621 cüdoçu, 107 ölkə), Antalya ikinci yerdədir (628 cüdoçu, 93 ölkə), ilk üçlüyü isə Tbilisi tamamlayır (531 cüdoçu, 83 ölkə). Daşkənd dördüncü yerdədir (495 cüdoçu, 68 ölkə).

Bu il ümumilikdə doqquz "Böyük Dəbilqə" turniri keçirilib.