Azərbaycan Taekvondo Federasiyasının (ATF) İdarə Heyətinin növbəti iclası keçirilib.

Prosport.Az xəbər verir ki, iclasda cari məsələlər müzakirə olunub.

Həmçinin, qurumun fəaliyyətinin yüksəldilməsi və idarəetmədə səmərəliliyin artırılması məqsədilə federasiyanın prezidenti və İdarə Heyətinin sədri Kəmaləddin Heydərov vitse-prezidentlərin say tərkibinin artırılmasını təklif edib, Hikmət Səmədovun bu vəzifə üçün namizədliyi irəli sürülüb.

ATF-nin Ümumi Yığıncağında təkliflər səsə qoyularaq qəbul edilib. Beləliklə, H.Səmədov qurumun yeni vitse-prezidentləri seçilib.

Bəs Hikmət Səmədov kimdir? O, fövqəladə hallar naziri də olan Kəmaləddin Heydərovun qeyri-rəsmi köməkçisi hesab olunur. Ötən ilin dekabrında ölkə başçısı İlham Əliyevin Sərəncamı ilə "Hərbi xidmətlərə görə" medalı ilə təltif olunub, Fövqəladə Hallar Nazirliyinin polkovnikidir. H.Səmədov bu ilin yanvarında nazirliyin katibliyində rəis müavini vəzifəsinə təyin olunub.

Bununla da federasiyanın vitse-prezidentilərinin sayı 3-ə çatıb. Digər vitse-prezidentlər Niyaməddin Paşayevlə Nağı Səfərovdur.