Fransanın paytaxtı Parisdə keçirilmiş Yay Olimpiya Oyunlarında gümüş medal əldə edən Azərbaycan taekvondoçusu Həşim Məhəmmədov dünya reytinqində 2024-cü ili 2-ci pillədə başa vurub.

Prosport.Az xəbər verir ki, bu, Dünya Taekvondosunun (World Taekwondo) rəsmi saytında dekabr ayı üçün açıqladığı reytinqdə əksini tapıb.

58 kq çəki dərəcəsində yer alan idmançının mövqeyində dəyişiklik olmayıb. O, 120 xalla 2-ci sırada yer alıb.

Məhəmmədovun "Paris-2024"ün finalında məğlub olduğu Cənubi Koreya təmsilçisi Park Tecon (200 xal) ilk sıradadır.

Qeyd edək ki, Həşim Məhəmmədov qızıl medal uğrunda görüşdə zədələndiyi üçün döyüş vaxtından əvvəl başa çatmışdı.