Beynəlxalq Atıcılıq İdmanı Federasiyası (ISSF) yeni mövsümün təqvimini təsdiqləyib.

Prosport.Az xəbər verir ki, stend atıcılığı üzrə dünya çempionatı oktyabrın 8-19-da Malakasa kəndində (Yunanıstan), güllə atıcılığı üzrə dünya çempionatı isə noyabrın 6-16-da Qahirə şəhərində (Misir) keçiriləcək.

Həmçinin 2025-ci ildə 2 Avropa çempionatı da olacaq. 10 metr məsafəyə güllə atıcılığı üzrə qitə çempionatı martın 7-13-də Osiyekdə (Xorvatiya), stend atıcılığı üzrə Avropa çempionatı isə iyulun 23-dən avqustun 7-ə kimi Şatoruda (Fransa) baş tutacaq.

Gələn ilin ilk güllə və stend atıcılığı üzrə Dünya Kuboku yarışı isə aprelin 1-11-də Argentinanın paytaxtı Buenos-Ayresdə gerçəkləşəcək.

Daha əvvəl də qeyd etdiyimiz kimi, bu ildən Azərbaycan Dünya Kubokuna sahiblik etməyəcək.