Cüdo üzrə ölkə çempionatında fərdi yarışların qalibləri müəyyənləşib.

Prosport.Az xəbər verir ki, Bakı İdman Sarayında keçirilən çempionatda qadınlar və kişilər arasında 14 çəki dərəcəsində mükafatçılar bəlli olub.

Qadınların mübarizəsində Leyla Əliyeva (48 kq), Xədicə Qədəşova (52 kq) və Acelya Toprak (57 kq), kişilərin yarışında isə Murad Fətiyev (90 kq), Elmar Qasımov (100 kq) və Uşanqi Kokauri (+100 kq) qızıl medal qazanan idmançılar olub.

Ötən ilin fevralında karyerasını bitirdiyini açıqlayan Elmar Qasımov qayıdışını uğurla rəsmiləşdirib.

Qeyd edək ki, bu gün çempionatda komanda yarışına start verilib.