3x3 basketbolu üzrə Dünya Qadın Seriyasının Orlean mərhələsində yığmamız və "Neftçi" nin qrupları və oyun təqvimi müəyyənləşib

Prosport.Az xəbər verir ki, Fransanın Orlean şəhərində keçiriləcək mərhələdə qadın yığma komandamızla yanaşı, "Neftçi" klubu da mübarizə aparacaq.

Yığmamız C qrupunda ABŞ yığması və "Yuanda" (Çin) klubu, "Neftçi" isə A qrupunda Kanada və İtalya milliləri ilə üz-üzə gələcək. "Neftçi" ilk oyununu Bakı vaxtı ilə saat 16:00 -da Kanada seçməsinə qarşı keçirəcək. Qadın yığmamızın isə qrupdakı ilk oyunu Bakı vaxtı saat 16:50-də ABŞ millisinə qarşı olacaq.

Qeyd edək ki, qruplarda ilk iki yeri tutmuş komandalar 1/4 finala vəsiqə qazanacaqlar. Orlean mərhələsi 23-24 iyun tarixlərində keçiriləcək.