Gəncə-Daşkəsən Regional Gənclər və İdman İdarəsinə rəis təyin olunub.

Prosport.Az xəbər verir ki, gənclər və idman naziri Fərid Qayıbovun müvafiq əmri ilə Elvin İsmayıl oğlu Quliyev Gəncə-Daşkəsən Regional Gənclər və İdman idarəsinin rəisi vəzifəsinə təyin edilib.

Elvin Quliyev bundan öncə Binəqədi rayon Gənclər və İdman İdarəsi baş məsləhətçisi vəzifəsində çalışıb, hazırkı təyinata qədər Azərbaycan Respublikasının Gənclər və İdman Nazirliyinin əməkdaşı olub.

Qeyd edək ki, bundan öncəki rəis İntiqam Hüseynov olub. O, ötən ilin iyulunda sözügedən posta təyin edilmişdi. İ.Hüseynovun maliyyə maxinasiyasına yol verdiyi üçün tutduğu postdan kənarlaşdırıldığı bildirilir.