Cüdoçularımız Avropa çempionatında 3-cü yeri tutub.

Prosport.Az xəbər verir ki, Azərbaycan cüdoçuları Polşanın Pila şəhərində keçirilən 23 yaşa qədər cüdoçular arasında Avropa çempionatının fərdi yarışlarında 2 qızıl, 1 gümüş və 2 bürünc medal qazanıb.

Fərdi yarışlarda Azərbaycan yığması medal əyarına görə, ümumi hesabda və qadınlar arasında 3-cü, kişilər arasında 4-cü yeri tutub.

Yarışda Azərbaycan 11 çəki dərəsində 15 cüdoçu ilə təmsil olunub.

Çempionatın ilk günündə qadınlar arasında Fidan Əlizadə qızıl medal (-57 kq.), Aydan Vəliyeva (-52 kq.) gümüş medal qazanıb. Kişilər arasında isə Hüseyn Allahyarov (-60 kq.) qızıl medal, Rüfət Şövlətov (-73 kq.) bürünc medal qazanıb.

Yarışın 2-ci günündə kişilər arasında 81 kq. çəki dərəcəsində Ömər Rəcəbli 3-cü yer uğrunda görüşdə İsrail təmsilçisi Yaniv Aqronovu məğlub edərək bürünc medal qazanıb. +100 kq. çəkidə Kənan Nəsibov yarışı 5-ci yerdə tamamlayıb.

Qeyd edək ki, cüdoçularımız bu gün çempionatın komanda yarışlarında iştirak edəcək