Azərbaycanın 2 cüdoçusu Polşanın Pila şəhərində keçirilən U-23 Avropa çempionatında qızıl medal qazanıb.

Prosport.Az xəbər verir ki, Hüseyn Allahyarov (60 kq) və Fidan Əlizadə (57 kq) bütün rəqiblərinə qalib gələrək fəxri kürsünün ən yüksək pilləsinə qalxıb.

Azərbaycanın digər təmsilçilərindən Aydan Vəliyeva (52 kiloqram) gümüş, Rüfət Şövlətov (73 kiloqram) isə bürünc mükafata layiq görülüb.

Bununla da milli komanda turnirin ilk gününü 4 medalla başa vurub. Bu, 2003-cü ildən keçirilən Avropa çempionatında Azərbaycan millisinin ən yaxşı göstəricisi sayılır.

Qeyd edək ki, noyabrın 17-dək davam edəcək Avropa çempionatında Azərbaycan 11 çəki dərəcəsində 15 idmançı ilə təmsil olunur.

18:16

Azərbaycanın 3 cüdoçusu Polşanın Pila şəhərində keçirilən U-23 Avropa çempionatında finala yüksəlib.

Prosport.Az xəbər verir ki, qadınlar arasında Aydan Vəliyeva (52 kq) və Fidan Əlizadə (57 kq), kişilərdən isə Hüseyn Allahyarov (60 kq) qızıl medal uğrunda mübarizə aparacaq.

Həlledici görüşlərdə A.Vəliyeva ispaniyalı Ayumi Leyva Sançesi, F.Əlizadə gürcüstanlı Nina Loladzeni, H.Allahyarov polşalı Yakub Kurovskini sınağa çəkəcək. Yarımfinalda uduzan Rüfət Şövlətov (73 kq) isə bürünc medal qarşılaşmasında bolqarıstanlı Dimitar Qospodinovla üz-üzə gələcək.

Qeyd edək ki, noyabrın 17-dək davam edəcək yarışda Azərbaycan 15 cüdoçu ilə təmsil olunur.