Azərbaycanın yeniyetmə cüdoçuları Macarıstanın Dyör şəhərində Avropa Kubokunda iştirak edəcək.

Prosport.Az xəbər verir ki, Avropa Cüdo Birliyinin təşkilatçılığı ilə keçiriləcək turnirdə 29 ölkədən 614 idmançı mübarizə aparacaq.

Millimiz yarışda oğlanlar arasında 8 çəki dərəsində 21 cüdoçu ilə təmsil olunacaq.

Əli Axundov, Mehdi Məmmədli (hər ikisi 50 kq), Bayram Orucov (55 kq), Davud Əliyev, İsa Allahverdi, Ömər Həsənoğlu, Sənan Xəmiyev (hamısı 60 kq), Yusif Abbasov, Ayxan Ələkbərov, Hüseyn Hüseynov, Aslan İsmayılov, Sadıq Seyidəliyev (hamısı 66 kq), Cahangir Həqverdiyev, Əhməd Mehdiyev, Şamil Sadıqov, Həmid Şərbətov (hamısı 73 kq) Tunar Abdullayev, Akif Zeydquliyev (hər ikisi 81 kq), Canpolad Əliyev, Əmir Xəzriyev (hər ikisi 90 kq) və Cavidan Məsimov (+90 kq) qalib adı uğrunda yarışacaq.

Qeyd edək ki, Avropa Kuboku 9-10 noyabr tarixlərində keçiriləcək.